Stang (H) til Borgen (SV): – Hugs at du er sjefen

– Byrådet la fram ein spennande erklæring i går, men det kan verke som om dei har gløymt at ordføraren er den verkelege sjefen. Dersom byrådet blir for opptatt av å vere regjering, må du hugse på at du er president. No er nøkkelen din, sa Stang til etterfølgjaren sin.

Borgen seier ho gjerne tar ein kaffi med forgjengaren for å få råd om den nye jobben.

– Du har vore ein fantastisk ordførar for heile byen, som folk er veldig glad i. Eg vil ikkje fylle dine fotspor, eg må gjere det på min måte, sa Borgen.

Stang har vore Oslo-ordførar sidan 2007. Han seier dagen er spesiell, men at det også er frigjerande å ikkje lenger vere ordførar.

– I dag møtte eg ein idiot i trafikken. Då kunne eg tute. Det har eg ikkje gjort på åtte år. Det var ganske frigjerande. Men eg gjorde ikkje noko meir, altså, spøkte han. (©NPK)