Starmer meiner han kan få ein betre avtale med EU

– Vi meiner vi kan få ein mykje betre avtale enn den feilslåtte brexitavtalen Boris Johnson kom heim med og vi vil jobbe for det, seier Starmer til journalistar i Belfast i Nord-Irland.

Starmer er på si første reise som statsminister, der han skal besøkje Nord-Irland, Skottland og Wales.

– Vi har fått eit tydeleg mandat for forandring og for eit annleis forhold til EU, seier Starmer.

Storbritannia gjekk formelt ut av EU i 2020, og dåverande statsminister Boris Johnson forhandla fram ein ny handelsavtale med unionen. Starmer har tidlegare sagt at han vil gjere store endringar i avtalen.

(©NPK)

Storbritannias statsminister Keir Starmer kom til Nord-Irland måndag. Foto: Niall Carson / AP / NTB