Stoltenberg skal tale på Utøya

Natos generalsekretær Jens Stoltenberg skal torsdag 4. august halde ein tale under AUFs sommarleir på Utøya. Der vil han snakke om viktigheita av Nato.

vaktsjef@ntb.no/paula.jee.ullaland@npk.no

Publisert: 27.07.2022 kl 16:18

Under talen vil Stoltenberg også snakke om krigen i Ukraina, opplyser Nato i ei pressemelding onsdag.

Stoltenberg var seinast på Utøya under 22. juli-markeringa i år. Overfor NTB sa den tidlegare statsministeren at det var vondt å vere tilbake på øya elleve år etter terrorangrepa, men at det var vakkert å sjå alle som støttar og trøystar kvarandre.

(©NPK)

Jens Stoltenberg under minnemarkeringa på Utøya i år, elleve år etter terrorangrepet, som kravde livet til 77 menneske. Foto: Trond Reidar Teigen / NTB