Store øydeleggingar etter eksplosjon på Lovund

(NPK-NTB): Fleire vart evakuerte, og bygningar vart øydelagde, då ein ståltank med sildeavfall eksploderte på Naustholmen på Lovund i Lurøy.

npk@npk.no

Publisert: 02.08.2016 kl 10:34

Sist oppdatert: 02.08.2016 kl 13:19

Eksplosjonen førte til ein mindre lekkasje av ammoniakk på staden. Rundt klokka 12.30 tysdag kunne politiet informere om at situasjonen var under kontroll.

Fiskeriminister Per Sandberg (Frp) måtte droppe eit besøk til ei fiskeribedrift i nærleiken på grunn av eksplosjonen.

Ifølgje Riseth førte eksplosjonen til store materielle skadar på industribygningane på området.

– Det er meir enn berre nokre knuste ruter. Det har gått hardt ut over bygga i nærleiken, og det dreier seg om skadar for millionar, seier operasjonsleiaren.

– Dei hadde stengt av området, og besøket vårt i det området måtte avlysast, seier kommunikasjonsrådgjevar Halvard Wensel i departementet til NTB.

Det vart ikkje meldt om personskadar, og det er ingen einebustadar i området. Politiet fekk melding om eksplosjonen klokka 9.42 tysdag, og alle nødetatar var kort tid etter på staden.