Store telefon- og epostproblem i departementa

– På grunn av tekniske problem er det for tida vanskeleg å nå departementa på telefon. Prøv å ringje igjen seinare, opplyser regjeringa på sine nettsider.

Problema omfattar også e-post til tilsette i departementa. Det er andre gong denne veka at departementa blir råka av teknisk trøbbel, ifølgje VG.

– Grunnen til at så mange departement kan råkast på same tid er at dei deler ein felles IKT-plattform som dei har gjort i fleire år, seier kommunikasjonsansvarleg Margot Vågdal i Service- og tryggingsorganisasjonen til departementa (DSS) til avisa.

Ho opplyser at departementa som i mindre grad blir råka av problema, er Forsvarsdepartementet, Justisdepartementet, Finansdepartementet, Statsministerens kontor og Utanriksdepartementet. Dei andre departementa sleit torsdag med både telefonar og epostar.

– Vi vil presisere at alle sikkerheitssystem fungerer. Her brukar vi ein egen maskinvare, seier Vågdal. (©NPK)