Sundvollen GP blir nytt norsk UCI-ritt

Sidan 2012 har Ringerike Grand Prix og Hadeland Grand Prix vore faste innslag på vårkalenderen som eindagsritt, begge registrert som kategori 2-ritt på den internasjonale kalenderen. Neste år vil Sundvolden Grand Prix overta for Hadelands-rittet.

Rittet som blir arrangert 7. mai, blir nærmast eit Tyrifjorden-rundt-ritt. Starten går på Sundvollen og målgang er på Krokkleiva etter å ha vore fjorden rundt.

Slik går løypa: Sundvollen – Åsa – Hesselberg – Busund – Tyristrand – Vikersund – Røine – Egge – Lyngås – Sylling – Røine – Sylling – Skaret – Utvika – Sundvollen – Krokkleiva.

Ringerike Grand Prix går dagen etter, søndag 8. mai. Dei to eindagsritta er viktige ritt for utviklinga av norsk sykkelsport og den einaste moglegheita for norske klubblag til å få bryne seg på dei norske kontinentallaga. I tillegg kjem sterke innslag frå Sverige, Danmark og Europa. (©NPK)