Svak lønnsauke for nyutdanna med master

(NPK-NTB): Nyutdanna med mastergrad i 2015 tente så vidt meir enn dei som var avgangselevar i 2013, i tillegg stod fleire av dei utan jobb enn med forgjengarane.

npk@npk.no

Publisert: 22.06.2016 kl 08:32

Arbeidsløysa blant dei nyutdanna pleier å svinge kraftigare med konjunkturane enn generelt i befolkninga, skriv Aftenposten.

Ifølgje tal frå NIFUs kandidatundersøking er den nominelle lønna for nyutdanna med mastergrad i 2015 berre litt høgare enn for den same gruppa i 2013. For sivilingeniørar og kandidatar i økonomisk-administrative fag auka ikkje den nominelle lønna i det heile tatt i tidsperioden 2013– 2015.

– Prisstiginga var på 4,2 prosent, mens nominell lønn blant nyutdanna med mastergrad berre har stige 1,6 prosent i snitt desse to åra, seier forskar ved Nifu Liv Anne Støren til avisa. Dermed er kjøpekrafta for dei nyutdanna mindre enn den var for dei som gjekk ut to år før.

For heile kullet av nyutdanna var arbeidsløysa i 2013 på 7 prosent. For den same gruppa i 2015 var arbeidsløysa på 9 prosent. (©NPK)