Svak oljepris gir nedgang på Oslo Børs

Eitt fat nordsjøolje blei omsett for 44,77 dollar fatet måndag ettermiddag. Dette er den lågaste prisen registrert ved børsslutt på fleire veker.

Nedgangen pregar også dei mest omsette aksjane. Statoil fall 2,5 prosent, DNB 0,8, Telenor 1,6, Marine Harvest 1,0 og Det norske oljeselskap 2,9.

Norwegian (+2,3) og Storebrand (+0,2) var dei einaste av dei ti mest omsette som gjekk fram ved børsslutt.

I Europa var det også stort sett raude tal måndag. DAX 30 i Frankfurt går opp med 0,29 prosent, CAC 40 i Paris ned 0,11 prosent, medan FTSE 100 i London fell 0,49 prosent. (©NPK)