Klargjør siden...

Svenske og italienar dømmer semifinalane

(NPK-NTB): Jonas Eriksson frå Sverige og italienske Nicola Rizzoli har fått dommaransvaret for kvar sin EM-semifinale.

Det offentleggjorde Uefa måndag.

Svenske Eriksson dømte to kamper i gruppespillet (Tyrkia – Kroatia og Russland – Wales). I semifinalen skal han nok ein gong dømme Wales, denne gangen mot Portugal.

Rizzoli som dømte VM-finalen for to år sidan, går på si side laus på sin fjerde EM-kamp når han dømmer Tyskland – Frankrike. Fra før har han dømt England – Russland, Portugal – Austerrike og Frankrike – Irland (åttedelsfinale).

Finaledommaren er førebels ikkje bestemt. Blant dei heitaste kandidatane til jobben finn vi blant andre Mark Clattenburg (England), Björn Kuipers (Nederland), Viktor Kassai (Ungarn) og Cüneyt Çakir (Tyrkia). (©NPK)

Annonse