Sverige vurderer kvinnesoner i asylsentera

I eit program på TV4 blei det nyleg avdekt at fleire kvinner på svenske asylsentera er blitt utsett for vald eller overgrep utan å få hjelp frå styresmaktene i ettertid. Eit stort problem, meiner Michael Ribbenvik, operativ sjef i Migrationsverket.

– Det er ein svært alvorleg situasjon. I Sverige skal det ikkje vere ei einaste kvinne som føler at ho ikkje kan gå utanfor døra si på asylsenteret. Vi kjem til å undersøkje om vi kan skape eit stad for kvinner, slik at dei kan ha ein privat sfære og sjølv velje kvar dei vil opphalde seg, seier Ribbenvik. (©NPK)