Telemark: Ilebrekke avslutta med pallplass

Ilebrekke møtte lagvenninna Guro Helde Kjølseth i ein heilnorsk bronsefinale i sveitsiske Mürren. Der var Kjølseth uheldig og datt, noko som gjorde at Ilebrekke gjekk sigrande ut av den duellen. Rennet vart vunne av Beatrice Zimmerman framfor lagvenninna Amélie Reymond i ein heilsveitsisk finale.

– Eg er veldig nøgd med at eg tar ein tredjeplass, og at eg avsluttar sesongen med endå ein pallplass. Eg køyrde bra, og det er gøy å runde av på ein slik måte. Eg gler meg veldig til ein ny sesong, men no skal det bli godt med ein liten pause, innrømmer ei litt sliten Ilebrekke.

I herreklassa gjekk til det ikkje like bra. Best av dei norske vart Trym Nygaard Løken, som dessverre vart slått ut i kvartfinalen.

Likevel heldt plasseringa til å ta tredjeplassen samanlagt i parallellcupen, noko som vitnar om at Løken har vore svært stabil tidlegare i sesongen. (©NPK)