Tennis: Rankinghopp for Ruud
Casper Ruud klatrar ti plassar på verdsrankinga i tennis. På den oppdaterte lista som blei offentleggjort måndag er 19-åringen nummer 127.
Ruud slo seg fram til semifinale i ei challengerturnering i California i førre veke. Der var han sjanselaus mot amerikanske Bjorn Fratangelo og rauk klart 6-2, 6-2.
Innsatsen i Fairfield slo samtidig positivt ut på rankinga.
Ruuds beste plassering på verdsrankinga i 2018 er 120.-plass frå februar. I fjor sommar var han rangert så høgt som 108.-plass.
Denne veka spelar Ruud ei ny challengerturnering på det nordamerikanske kontinentet.
(©NPK)
Casper Ruud klatra på verdsrankinga. Foto: Lars Eide / NTB scanpix