Tenniskarrieren over for Radwanska
Tidlegare Wimbledon-finalist Agnieszka Radwanska legg opp som profesjonell tennisspelar. Ho greier ikkje lenger å trene og spele slik ho ønskjer.
Den polske 29-åringen offentleggjorde avgjerda på Facebook. På det høgaste var Radwanska rangert som nestbest i verda. Totalt vann ho 20 WTA-titlar.
- Etter 13 år med spel på toppnivå har eg avgjort å stoppe karrieren. Det var ikkje ei enkel avgjerd, men desverre er eg ikkje lenger i stand til å trene eller å spele på den måten eg er vant til. I det siste har ikkje kroppen levd opp til mine eigne forventingar, seier Radwanska.
I 2012 nådde ho Wimbedon-finalen, men måtte der sjå seg slegen av Serena Williams. Ho var i semifinalen i Roland-Garros i både 2014 og 2016.
Radwanska seier ho ikkje kjem til å forlate tennissporten heilt.
- Eg legg racketen på hylla og seier farvel til WTA-touren, men eg forlèt ikkje tennisen, lovar ho og held fram:
- No er tida inne for nye utfordringar og idear som vonleg blir like spennande som dei på tennisbanen.
(©NPK)
Polens tennisstjerne Agnieszka Radwanska har bestemt seg for å avslutte proffkarrieren. Foto: Rick Rycroft / AP / NTB scanpix