Tennisspelar Peter McNamara er død
Den tredoble Grand Slam-vinnaren Peter McNamara er død. I ein alder av 64 år tapte han kampen mot kreften.
Australiaren døydde i heimen sin i Tyskland natt til måndag, melder nyheitsbyrået AP.
McNamara hadde ein lang og suksessfull karriere med tre Grand Slam-titlar i double, og han var på sitt beste rangert som den sjuande beste tennisspelaren i verda.
I 1979 vann han doubleturneringa i Australian Open, og i 1980 og 1982 vann han doubleturneringa i Wimbledon. Alle dei tre store titlane vart tatt saman med landsmann Paul McNamee.
- Det er vanskeleg å tru at Macca er borte etter 50 års vennskap. Du levde livet fullt ut kamerat og vil bli sakna, skriv jamgamle McNamee på Twitter.
(©NPK)