Terrorforskar: Dette er fattigmannsjihad

(NPK-NTB): – Terrorangrepet i Nice er fattigmannsjihad og vitnar om at terrorismen blir planlagt og utført av enkeltindivid, ikkje koordinerte grupper frå Midtausten, seier terrorforskar Frank Orban.

npk@npk.no

Publisert: 15.07.2016 kl 12:21

Førsteamanuensis Frank Orban ved Høgskolen i Østfold forskar på terrorisme og det franske samfunnet. Han meiner at terrorismen no blir diversifisert og individualisert.

– Tidlegare vart terrorhandlingane nøye planlagt og styrt frå grupper i Midtausten, no blir både planlegginga og styringa delegert til enkeltpersonar som kjenner seg treft av ideologien, seier han.

Orban fortel at franske jihadistar i Syria i mai sende ut ein video der dei bad andre franskmenn om å angripe Frankrike med alle moglege middel.

Orban ventar at det no kjem ein debatt i Frankrike om korleis styresmaktene kan ta høgd for slike fattigmannsangrep når dei urformer tryggingstiltaka. (©NPK)