The Times: Boris Johnson er venta å stille som kandidat til å bli ny toryleiar

Fleire tory-politikarar har allereie foreslått at han kan bli Truss' etterfølgjer.

Johnson gjekk av for berre seks veker sidan etter eit internt opprør i partiet. Etterfølgjaren hans Liz Truss kunngjorde torsdag at ho går av.

Johnson trur han kan få partiet på rett kjøl, og at det er i interessa i nasjonen at han stiller, skriv den britiske avisa.

Blir han partileiar, er han automatisk sikra statsministerposten.

Ei rekkje andre konservative parlamentarikarar er også venta å kjempe om partileiarposten.

Leiaren for den mektige 1922-komiteen seier at ein ny leiar kan vere på plass innan neste fredag, men det er enno ikkje klart korleis leiarvalet skal gå føre seg.

(©NPK)