Thon tener millionar på Pantelotteriet

Ikkje alt går til Noregs Røde Kors når du trykker på dei i Pantelotteriet.

Ifølgje rekneskapane til Norsk Pantelotteri gjekk 2,5 prosent av inntektene frå lotteriet til Thon-systemet, skriv Finansavisen.

I 2018 satsa daglegvarekundar 144 millionar kroner i Pantelotteriet. 50 millionar vart utbetalte i premiar, 50 millionar gjekk til Røde Kors og resten gjekk til Norsk Pantelotteri, som Thon Holding eig 60 prosent av. Resten er eigd av Røde Kors, skriv avisa.

Eigarane betalte ut 6 millionar i utbytte i fjor, der 3,6 millionar gjekk til Thon Holdning. Ifølgje Finansavisen har sistnemnde selskap fått 10 millionar kroner i utbytte frå Pantelotteriet på tre år.

(©NPK)

I 2018 satsa daglegvarekundar 144 millionar kroner i Pantelotteriet. Foto: Gorm Kallestad / NTB scanpix

Av 2 kroner i pant gjekk fem øre til Thon Holding i fjor. Her er eigedomsinvestor Olav Thon under eit arrangement på Grand Hotel i Oslo.
Foto: Håkon Mosvold Larsen / NTB scanpix