Tidlegare kombinertleiar i skiforbundet er død

Borga leidde komiteen i åtte år og hadde også ei rekke andre verv knytt til kombinert. Han hadde også verv i Det internasjonale skiforbundet (FIS).

– Paul Einar var veldig viktig for norsk kombinertsport i ei årrekke. Han var leiar i kombinertkomiteen i åtte år, jobba inn mot FIS og var dei seinare åra svært viktig bidragsytar i Kombinertsportens Venner. Det er ei uendeleg trist melding å få at Paul Einar er gått bort så altfor tidleg, seier sportssjef Ivar Stuan til skiforbundet.no.

Borga var leiar i kombinertkomiteen då Stuan kom tilbake som sportssjef i 2016.

– I Paul Einar har vi hatt eit fantastisk menneske som har jobba utrøytteleg for å setje kombinert på kartet. Han hadde stor arbeidskapasitet, var fagleg svært sterk og viste eit stort og ekte engasjement. Han fekk utretta veldig mykje og tok på seg alle moglege oppgåver og verv for å hjelpe vår fantastiske spora opp og fram. Det er mange som ser tilbake på Paul Einars innsats med stor takksemd, seier Stuan.

(©NPK)

Paul Einar Borgen tilbake i 2016. Foto: Vidar Ruud / NTB.