Tidlegare Manchester United-direktør vil kjøpe klubben

Knighton var ifølgje Manchester Evening News i kampen om å kjøpe klubben på 1980-talet, men i prosessen gav han opp å prøve å kjøpe klubben og tok heller ein plass i styret til klubben. Overfor Man Utd The Religion opplyser 70-åringen at han igjen ønskjer å prøve å bli eigar av dei raude djevlane.

– Vi er ein klubb i krise og alle veit grunnen. Vi har ein ubrukeleg leiarskap som veit lite om fotball, tornar han.

Han siktar til Glazer-familien, som ifølgje Manchester Evening News er under press til å selje klubben. Avram Glazer var til stades på Old Trafford i Premier League-starten sist helg.

Knighton er likevel klar på at eigarane ikkje må godta bodet han planlegg å komme med.

– Alle veit at vi treng ny eigarskap i denne klubben og målet mitt er å gjennomføre det. Eg har komme godt i gang og har god økonomi, seier han og held fram:

– Vi jobbar med bodet no, men ein må hugse at klubben offisielt ikkje er til sals. Intensjonen min er å presentere eigarane med eit tilbod og seie: «De kjem til å gå tom for tid».

(©NPK)

Michael Knighton stadfestar at han ønskjer å kjøpe Manchester United. Manager Erik ten Hag (i biletet) fekk ein tøff start med tap i første Premier League-runde. Foto: Dave Thompson / AP / NTB