TMZ: Rapparen Takeoff skoten og drepen

Takeoff, som eigentleg heiter Kirshnik Khari Ball, var i ein bowlinghall i Houston i Texas då ein krangel braut ut i morgontimane lokal tid, der rapparen vart skoten, skriv TMZ, som siterer politikjelder. 28-åringen skal ha vorte erklært død på staden.

Houston-politiet har stadfesta at dei rykte ut til ein skyteepisode på nattetid, og at éin person vart erklært død på staden. Dei ønskjer likevel ikkje å stadfeste identiteten til offeret før dei pårørande er informerte.

To andre personar vart frakta til sjukehus med skotskadar, opplyser politiet. TMZ skriv også at to andre personar vart frakta til sjukehus etter å ha vorte skotne. Skadeomfanget er ikkje kjent.

Trioen Migoš har det siste året vorte til ein duo etter det som etter seiande skal ha vore krangel internt i rapgruppa. Rapparen Quavo skal ifølgje TMZ ha vore til stades då Takeoff vart skoten, medan tredjemann Offset ikkje lenger er med i gruppa.

Migoš har opptredd i Noreg fleire gonger, mellom anna på Øyafestivalen i Oslo i 2017 og på Palmesus i Kristiansand året etter.

(©NPK)

Rapparen Takeoff (28) frå den amerikanske hiphop-trioen Migoš er skoten og drepen, ifølgje kjendisnettstaden TMZ. Foto: AP / NTB