To nye høgsterettsdommarar

(NPK-NTB): Lagmann Espen Bergh og lagmann Inger-Cecilie Østensen Berglund er utnemnde til dommarar i Høgsterett.

Publisert: 10.06.2016 kl 12:02

Espen Bergh (55) har bakgrunn frå Forsvarsdepartementet, Justisdepartementet og advokatfirmaet Wiersholm. Han var lagdommar i Borgarting lagmannsrett frå 2005 og lagmann i Borgarting lagmannsrett frå 2010.

Inger-Cecilie Østensen Berglund (44) vart utnemnt til lagmann i Borgarting lagmannsrett i 2013, etter å ha vore lagdommar der sidan 2011. Ho har tidlegare vore utgreiar og assisterande direktør i Høgsterett, i tillegg til leiar og nestleiar i Finansklagenemnda. Berglund blir dessutan den yngste dommaren i Høgsterett. (©NPK)