E16 opna igjen i Vaksdal
Dalseidtunnelen og Trollkonetunnelen i Vaksdal kommune vart fredag morgon stengt etter eit steinras. Det har ført til kaos i pinsetrafikken.
Fredag ettermiddag står trafikken stille på fylkesveg 79 mellom Kvanndal og Granvin, skriv Bergens Tidende.
Vegen har vorte brukt som omkøyringsveg, etter at det gjekk eit steinras på E16 same morgon.
– Fullstendig kork, skriv ein tipsar til avisa.
Ved 16.20-tida har E16 vorte opna igjen, melder Vest politidistrikt på Twitter.
Dalseidtunnelen og Trollkonetunnelen i Vaksdal kommune vart stengd som følgje av steinraset.
– Det er snakk om ein større stein på bortimot ein meter i diameter og nokre mindre steinar, sa trafikkoperatør Jenny Nilsson i Vegtrafikksentralen til Bergensavisen.
(©NPK)
