Tolv Oscar-nominasjonar til «The Revenant»

(NPK-NTB-Reuters): Leonardo DiCaprio er nominert til Oscar for beste mannlege skodespelar i filmen «The Revenant», som stakk av med så mange som tolv Oscar-nominasjonar.

npk@npk.no

Publisert: 14.01.2016 kl 15:07

Den kritikarroste filmen har allereie skaffa DiCaprio ein Golden Globe for beste mannlege hovudrolle i ein dramafilm. Regissør Alejandro González Iñárritu, kapra også ein Golden Globe for beste regi, og han er også nominert i same Oscar-kategori.

Norske Kristoffer Joner har ei lita rolle i «The Revenant», som har premiere på norsk kino 22. januar.

I Oscar-racet konkurrerer DiCaprio med Bryan Cranston («Trumbo»), Matt Damon («The Martian»), Michael Fassbender («Steve Jobs») og Eddie Redmayne («The Danish Girl») om den gjeve prisen for beste mannlege hovudrolle. (©NPK)