Torevêr lagar trøbbel i tog- og helikoptertrafikken på Vestlandet

På Bergen lufthamn Flesland er fleire avgangar og innkomstar utsette, melder NRK. Det gjeld ruter til og frå Oseberg, Statfjord B, Statfjord C, Kvitebjørn og Troll B.

I togtrafikken er Jærbanen stengd mellom Sandnes og Stavanger.

– Det er forseinkingar på Jærbanen mellom Klepp og Stavanger på grunn av problem med signalanlegget. Det betyr at toga våre blir forseinka, seier pressevakt Ole Andreas Skårland i Go Ahead til Aftenbladet.

Meteorologisk institutt har utskrive gult farevarsel for mykje lyn over delar av Hordaland, Rogaland og Agder onsdag morgon.

(©NPK)