Tour de Ski-start i Val Müstair

Det blir tredje gong at touren startar ved heimstaden til Dario Cologna. Cologna har ikkje vore på topp dei siste sesongane, men sveitsaren har framleis eit stort namn i internasjonalt langrenn.

Det blir to etappar i Val Müstair, deretter ventar det to etappar i Oberstdorf. Oberstdorf vart nyleg valt til VM-arrangør i 2021. Den 5. etappen går i Toblach, før det blir tradisjonell avslutning med to etappar i Val di Fiemme. Til saman blir det sju etappar i Tour de Ski kommande vinter.

Dette vart nyleg bestemt under FIS-kongressen i Cancún i Mexico. Der vart det ikkje vedtatt vesentlege endringar samanlikna med forslaget som låg føre på førehand.

Den klassiske sprinten i Drammen blir arrangert 8. mars. Helga etter er det renn i Holmenkollen.

Andre stadar med verdscuprenn: Davos, La Clusaz, Toblach, Ulricehamn og Falun. (©NPK)