Trollstigen opnar for sesongen

(NPK-NTB): Frå fredag blir det mogleg å køyre på delar av Trollstigen i Møre og Romsdal, når vinterstenginga av turistvegen blir trappa ned.

npk@npk.no

Publisert: 19.05.2016 kl 11:42

Men svingane vil framleis vere stengt på grunn av skredfare, melder Romsdals Budstikke. Dermed delopnar Statens vegvesen fylkesveg 63 Trollstigen mellom Slettvikane og Stigrøra fredag klokka 9.

– Vi ventar framleis på Bispefonna. Enten så må skredet gå, eller så må den stabilisere seg og smelte ned før det er trygt å ha trafikk i svingane, seier byggjeleiar Kaj-André Sæther Døving i Statens vegvesen til avisa.

Statens vegvesen oppfordrar turistar og trafikantar til å følgje med på trafikkmeldingane før dei besøkjer Trollstigen. Sjølv om ikkje heile Trollstigen er open, vil ein kunne besøkje Trollstigplatået og sjå nedover svingane.

Opninga skjer seinare enn i fjor. I 2014 opna vegen, som forbind Valldal og Åndalsnes, så tidleg som 8. mai, noko som ikkje hadde skjedd sidan 1991. (©NPK)