Truar med å stengje passkontrollen på Gardermoen

Årsaka er at det har kome nye sjukmeldingar etter arbeidsbelastninga som var i helga, seier verneombod Randi Nymoen ved Gardermoen politistasjon.

– Då var det opp mot tre timars ventetid og ymt til slagsmål i passkøane, seier ho.

I helga måtte også politiposten på Gardermoen stengje både fredag og laurdag på grunn av bemanningsproblema.

Justis- og beredskapsminister Anders Anundsen (Frp) skal onsdag til Gardermoen for sjølv å ta problema i passkontrollen i nærmare augesyn. (©NPK)