Trump har nådd grensa på 1.237 delegatar

(NPK-NTB-AP): Donald Trump har nådd talet på delegatar han trenger for å bli presidentkandidat for Republikanarane, viser nyheitsbyrået APs oppteljing.

npk@npk.no

Publisert: 26.05.2016 kl 16:39

Trump stod åleine igjen som kandidat på den republikanske sidan etter at Ted Cruz i starten av mai gav opp håpet om på ta han igjen.

No har Trump òg nådd den magiske grensa på 1.237 landsmøtedelegatar i nyheitsbyråets uoffisielle oppteljing. Det gjer han etter at tre ubundne delegatar frå Oklahoma seier dei vil stemme på eigedomsmogulen på landsmøtet i juli. (©NPK)