Tsjads president attvald for femte gong

(NPK-NTB-AFP): Tsjads president Idriss Déby gjorde eit brakval og forlenger sitt 26 år lange styre, opplyser valkommisjonen i landet.

npk@npk.no

Publisert: 22.04.2016 kl 08:25

63 år gamle Déby har vore president i Tsjad sidan eit militærkupp i 1990. Han har blitt attvalt kvart femte år sidan 1996, og fekk ei oppslutning på nesten 62 prosent i valet i år.

Opposisjonsleiar Saleh Kebzabo fekk nesten 13 prosent av stemmene, mens Laoukein Kourayo Medard, borgarmeister i Moundou, hadde ei oppslutning på 11 prosent.

Ei gruppe opposisjonspolitikarar skuldar styresmaktene for valfusk og anerkjenner ikkje resultatet.