Tusenvis av alpakkaer døde i Peru

Peruanske styresmakter har erklært unntakstilstand i fjellregionen etter alpakka-dødsfalla, som primært har ramma urbefolkninga i landet. Styresmaktene har også lova å bidra med 3 millionar dollar – vel 25 millionar kroner – i erstatning til dei ramma.

Landsbyane høgt oppe i Andesfjella i Peru er blant dei fattigaste i det søramerikanske landet der meir enn 120.00 familiar livnærer seg på sal av alpakkaull. Peruanske styresmakter fryktar no at ytterlegare 250.000 alpakkaer kan stryka med viss temperaturen held fram med å halda seg rundt 23 minusgrader.

Peru er heimen til rundt 4 millionar alpakkaer og den største produsenten av alpakkaull i verda. (©NPK)