TV 2: Alpinist Lucas Braathen med på Noregs lag i verdscupopninga

Lucas Braathen (23) køyrer verdscuprennet i storslalåm i austerrikske Sölden søndag. Det melder TV 2 etter å ha fått tilgang til laguttaket.

Publisert: 26.10.2023 kl 10:08

Deltakinga hans har vore uklar ein periode etter ein konflikt med Skiforbundet.

Tidlegare i haust stilte Braathen opp i ein reklamekampanje for klesmerket J. Lindeberg. Ifølgje sportssjef Claus Ryste hadde ikkje Braathen løyve til det.

Alpinlandslaget har ein offisiell klesavtale med Helly Hansen.

Braathen og andre skistjerner har vore i konflikt med eige forbund om ein ny landslagsavtale. Striden handlar om biletrettane til utøvarane.

Sportsleg har Braathen imponert trass sin unge alder. 23-åringen står med fem sigrar i verdscupen. Sist sesong vann han slalåmcupen samanlagt.

(©NPK)

Lucas Braathen får køyre verdsscupopninga i alpint. Foto: Erik Flaaris Johansen / NTB