Tyrkia: – Angrep i Nord-Syria liknar etnisk reinsing

– Eitt av føremåla med dei seinaste angrepa er å gjennomføre ei etnisk reinsing. Etnisk reinsing i Syria og Aleppo for å sørgje for at berre tilhengjarar av regimet blir igjen, blir gjennomført av det syriske regimet og Russland på ein svært bevisst måte, seier han.

Statsministeren legg til at det å akseptere flyktningar nærast blir å støtte dette forsøket på etnisk reinsing frå regimet til den syriske presidenten Bashar al-Assad og hans allierte Russland.

Det er dobbeltmoralsk av dei som ikkje tek til motmæle mot den russiske bombinga i Syria å krevje at Tyrkia held grensa open, meiner Davutoglu.

– Kvar einaste flyktning vi tek imot, bidreg til den etniske reinsinga deira, men vi kjem til å fortsetje å ta imot flyktningar, understrekar han.

EU har lenge jobba for å få Tyrkia til å bidra meir til å stogge flyktningstraumen til Europa. Den tyrkiske statsministeren seier 30 milliardar kroner er det første steget i ein flyktningavtale mellom Tyrkia og EU, men at det om nødvendig må haldast ytterlegare samtaler om meir bistand.

Davutoglu kom også med eit angrep på det syrisk-kurdiske partiet PYD onsdag. PYD angrip sivile i samarbeid med Russland og gjer seg skuldig i krigsbrotsverk, hevdar han. (©NPK)