Tysk storlag trekkjer seg frå belgisk sykkelritt

– Det er for mange ryttarar som ikkje har moglegheit til å kome seg til Belgia på grunn av terrorangrepet. Dessverre er det umogleg å få eit lag til start i Dwars door Vlaanderen, skriv laget på Twitter.

Førebels har ingen andre lag meldt forfall. Dei norske syklistane Vegard Stake Laengen (IAM), Sondre Holst Enger (IAM) og Vegard Breen (Fortuneo-Vital Concept) skal etter planen sykle semiklassikaren.

Stake Laengen fekk ikkje tatt sitt planlagte fly frå Nice til Brussel tysdag. Holst Enger landa i Charleroi, sør for den belgiske hovudstaden. Breen skal etter planen bu med resten av laget i Lille, skriv procycling.no. (©NPK)