Tips oss:
Tips
Sentralbord: 70 07 44 22 Mobil: 995 22 999
Kontakt
Artikkelen fortsetter etter annonsen.
Tyskland vil inntil vidare oppheve utleveringsavtalen sin med Hongkong etter at valet i den delvis sjølvstyrte kinesiske byen vart utsett.
peder.skjelten@npk.no
Publisert: 31.07.2020 kl 19:56
– Vi har gjentekne gonger gjort tydeleg forventninga vår om at Kina steller seg til forpliktingane sine i samsvar med folkeretten, sa Tysklands utanriksminister Heiko Maas fredag.
Han fastslo at dette inneber retten til frie og rettferdige val. Utsetjinga av valet er bakgrunnen for at utleveringsavtalen blir suspendert, ifølgje Maas.
Carrie Lam, regjeringssjefen i Hongkong, hadde timar før kunngjort at valet i byen, som skulle vore halde i september, blir utsett i eitt år.
Tyskland føyer seg inn i rekkja av fleire land som den siste tida har oppheva utleveringsavtalar med Hongkong. Canada, New Zealand, Storbritannia og Australia er blant landa som har gjort det same.
(©NPK)
Utanriksministeren i Tyskland avsluttar utleveringsavtalen med Hongkong etter at styresmaktene i byen utsette det planlagde valet i haust. Foto: Petros Giannakouris / AP / NTB scanpix