Tips oss:
Tips
Sentralbord: 70 07 44 22 Mobil: 995 22 999
Kontakt
Med Amedia og Bonnier News i ryggen blir den uavhengige russiskspråklege nyheitstenesta Repost lansert. Dei skal lage journalistikk frå Estland.
vaktsjef@ntb.no/hege.grov@npk.no
Publisert: 22.06.2022 kl 10:21
Alle journalistane som skal jobbe i nyheitstenesta, er russiske statsborgarar som har flykta frå Russland, opplyser Amedia i ei pressemelding.
Frå Tallinn skal Repost produsere, organisere og publisere uavhengige nyheiter på russisk både for russarar i utlandet og russarar heime i Russland.
Amedia trekte seg ut av trykkjeriverksemda si i Russland i kjølvatnet av invasjonen i Ukraina, og trykkjeria vart overlatne til nobelprisvinnar Dmitrij Muratov, som er redaktør i avisa Novaja Gazeta.
– Etter Sovjetunionens fall, prøvde Amedias forløpar å bidra til ei fri presse i Russland, men kunne ikkje halde fram som utgivar i landet av same grunnar som Bonnier News. Dagens situasjon er dramatisk forverra, med den forsterka sensuren og dei skakande krigshandlingane frå russiske styresmakter, seier Marte Ingul, konserndirektør for samfunns- og styresmaktskontakt i Amedia.
– Bidraget vårt er ei naturleg forlenging av den publisistiske forpliktinga vi har til å styrkje og sikre ytringsfridommen og eit levande demokrati, seier Ingul.
(©NPK)
Artikkelen fortsetter etter annonsen.