UBS-aksjen enda med oppgang etter Credit Suisse-avtale
Aksjekursen til Sveits' største bank UBS fall måndag morgon etter avtalen i helga om å kjøpe kriseramma Credit Suisse. Men UBS-aksjen enda i pluss.
Etter å ha falle 15 prosent frå start og lege på minussida det meste av dagen, enda UBS-aksjen 1,3 prosent høgare enn sluttkursen fredag.
Kursendringa kom etter at det søndag vart klart at UBS kjøpar den kriseramma konkurrenten Credit Suisse for 3 milliardar sveitserfranc – rundt 34 milliardar kroner – i håp om å unngå ei større internasjonal bankkrise.
(©NPK)
Nyheita om at UBS reddar Credit Suisse sende aksjekursen ned måndag morgon, men ved 14-tida låg UBS-aksjen 2,2 prosent høgare enn sluttkursen fredag. Aksjen enda handledagen med ein oppgang på 1,3 prosent. Foto: Ennio Leanza / Keystone / AP / NTB