Tips oss:
Tips
Sentralbord: 70 07 44 22 Mobil: 995 22 999
Kontakt
Den ukrainske militærleiinga seier at dei russiske styrkane i den moldovske utbrytarregionen Transnistria er sett i kampberedskap.
vaktsjef@ntb.no/kari.hamre@npk.no
Publisert: 26.04.2022 kl 20:05
Utbrytarregionen har vore kontrollert av eit prorussisk regime sidan 1990-talet. Transnistria ligg aust i Moldova, langs grensa mot Ukraina, og Russland har rundt 1.500 soldatar stasjonerte der.
Tysdag vart to radiomaster i regionen ramma av eksplosjonar, ifølgje dei lokale prorussiske styresmaktene. Dei legg skulda på Kyiv.
Ukrainske styresmakter avviser dette og meiner Russland har planar i området.
– Russland ønskjer å destabilisere Transnistria-regionen og antydar at Moldova bør vente «gjester», skriv president Volodymyr Zelenskyjs nære rådgivar Mykhailo Podoljak i ei Twitter-melding.
Samtidig uttaler den ukrainske generalstaben at dei russiske styrkane i området er sette i kampberedskap, og at tryggingsstyrkane til separatistane òg har auka beredskapen.
(©NPK)
Artikkelen fortsetter etter annonsen.