Ulf Kristersson presenterer regjeringa si i Sverige

Med Ulf Kristersson får Sverige sin første borgarlege statsminister på åtte år. Tysdag formiddag offentleggjorde han kven som sit i den nye regjeringa.

Gunnar Strömmer blir justisminister, Tobias Billström utanriksminister og Pål Jonson ny forsvarsminister i den nye borgarlege regjeringa i Sverige. Alle tre kjem frå Moderaterna. Finansminister Elisabeth Svantesson kjem også frå partiet.

Kristdemokraterna har fått fleire tunge postar, mellom anna helseministeren og partileiar Buschs energi- og næringspost. Partiet får også ansvaret for infrastruktur og bustadpolitikk.

Liberalerna-leiar Johan Pehrson blir arbeidsmarknads- og integreringsminister. Partiet får også ansvar for klima- og miljøpolitikken, arbeidsmarknadspolitikken og likestillingspolitikken.

Dette er heile oversikta:

Moderaterna:

Statsminister Ulf Kristersson

EU-minister Jessika Roswall

Justisminister Gunnar Strömmer

Innvandringsminister Maria Malmer Stenergard

Utanriksminister Tobias Billström

Bistands- og utanriksminister Johan Forssell

Forsvarsminister Pål Jonson

Beredskapsminister Carl Oskar Bohlin

Sosialtenesteminister Camilla Waltersson Grönvall

Eldre- og sosialforsikringsminister Anna Tenje

Finansminister Elisabeth Svantesson

Finansmarknadsminister Niklas Wykman

Kulturminister Parisa Liljestrand

Kristdemokraterna:

Sosialminister Jakob Forssmed

Helseminister Acko Ankarberg

Kommunalminister Erik Slottner

Energi- og næringsminister Ebba Busch

Distriktsminister Peter Kullgren

Infrastruktur- og bustadminister Andreas Carlson

Liberalerna:

Utdanningsminister Mats Persson

Skuleminister Lotta Edholm

Klima- og miljøminister Romina Pormoukhtari – også den yngste ministeren til regjeringa med dei 26 åra sine

Arbeidsmarknads- og integreringsminister Johan Pehrson

Likestillingsminister og assisterande arbeidsmarknadsminister Paulina Brandberg

(©NPK)

Ulf Kristersson presenterer regjeringa si. Foto: Anders Wiklund/TT via AP/NTB