Ulv skoten på Lesja

Ifølgje Gudbrandsdølen Dagningen kom ulven tilbake til den same garden der eigaren mista to vaksne sauer måndag og tysdag.

Ifølgje ordføraren i Lesja er det ei ulvetispe som er felt av medlemmer frå dei kommunale fellingslaga.

– Dette vil Statens naturoppsyn bekrefte når dyret skal undersøkjast seinare i dag, seier ordførar Mariann Skotte til avisa.

Sidan fredag førre veke har det vore jakta på både ulv og bjørn i området etter at Fylkesmannen gav fellingsløyve. (©NPK)