Ungdom angreip institusjonstilsett og stakk av i stolen bil

(NPK-NTB): Ein 17-årig gut på ein barnevernsinstitusjon i Re kommune i Vestfold trua natt til torsdag til seg ein bil ved å angripe ein tilsett med kniv og slagvåpen. Han vart seinare teken av politiet.

Politiet i Telemark fekk fat i guten på fylkesveg 32 etter at han hadde køyrt i grøfta. Han hadde stukke av i bilen til institusjonen etter å ha trua fleire av dei tilsette, opplyser politiet. 17-åringen sit torsdag morgon i arresten.

– Ein mann som jobba på institusjonen fekk hovudskadar under angrepet, men er torsdag morgon utskriven etter å ha fått behandling på sjukehus i Tønsberg, fortel operasjonsleiar Kjetil Indahl i Sør-Øst politidistrikt til NTB.

Politiet fekk melding om valdsepisoden klokka 1.17 natt til torsdag. (©NPK)