Urhaug vann igjen i bordtennis

Nicolas Savant Aira frå Frankrike hang godt med i dei to første setta, men Urhaug avgjorde dei i sin favør. I det siste settet var han overlegen på vegen mot 3– 0-sigeren (11-8, 11-8, 11-2). Kampen var avgjort på 19 minutt.

Urhaug er tittelforsvarar og siktar høgt også i Rio de Janeiro. Torsdag vann han opningskampen sin i gruppespelet i klasse 5 (sitjande) mot egyptaren Ehab Fetir med 3– 0 på berre 18 minutt.

– Forma er der ho skal vere. Dette var kanskje ikkje den beste kampen min, men eg fekk han dit eg ville, sa Urhaug til NRK.

Nordmannen er klar for kvartfinale søndag.

Aida Dahlen, som er kvinneleg norsk deltakar i bordtennis, speler seint fredag kveld om andreplassen i si gruppe i klasse 8 (ståande). Ho møter da Josephine Medina frå Filippinane.

Både Medina og Dahlen tapte torsdag 0– 3 for den kinesiske gruppevinnaren Mao Jingdian. (©NPK)