USA hevdar å ha frigjort 70 kurdiske gislar

(NPK-NTB-Reuters): 70 kurdiske gislar er frigjorde og fem IS-krigarar tekne til fange under ein amerikansk operasjon nord i Irak natt til torsdag, ifølgje Pentagon. Ein amerikansk soldat blei drepen i aksjonen.

npk@npk.no

Publisert: 22.10.2015 kl 15:32

Sist oppdatert: 22.10.2015 kl 17:37

Det er første gong ein amerikansk soldat er blitt drepen på bakken i kampar mot Den islamske staten (IS) i Irak og Syria, ifølgje CNN.

Det var dei kurdiske regionale styresmaktene i Nord-Irak som bad USA om å gjennomføre aksjonen i nærleiken av IS-okkuperte Hawija, vest for Kirkuk, ifølgje ein talsmann for Pentagon.

Han seier at til saman 70 gislar blei frigjorde, at fem IS-krigarar blei gripne, og at eit ukjent tal IS-krigarar blei drepne. (©NPK)