Usikkert om Skjelbred når Nyland-møte

(NPK-NTB-DPA): Per Ciljan Skjelbred slit vidare med lårskaden. Landslagskapteinen er usikker før Hertha skal spele mot Ingolstadt laurdag.

npk@npk.no

Publisert: 07.09.2016 kl 13:22

Skjelbred spelte ikkje for Noreg mot Tyskland (0– 3) søndag. Han trena knapt under landslagsopphaldet.

– Det går betre for kvar dag som går. Torsdag skal eg gjere ein test, for eg ønskjer å trene for fullt med laget, seier Skjelbred.

Dersom Skjelbred kjem seg heilberga gjennom testen torsdag, kan trenar Pal Dardai bruke nordmannen mot Ingolstadt, der Ørjan Håskjold Nyland står i mål.