Vêrgudane stoppa skiflyging

Mildvêr og sterk vind tvingar arrangørane av verdscuprenna i skiflyging i Kulm til å utsetje den planlagde hoppinga på fredag.

Publisert: 14.02.2020 kl 12:40

Daniel-André Tande og dei andre hoppstjernene skulle etter planen ha gjennomført to treningshopp og kvalifisering. Det blir det ikkje noko av.

I staden blir det éin treningsomgang laurdag morgon, før alle dei 53 hopparane får stille til start i det individuelle rennet som følgjer deretter.

Johann Forfang, Anders Håre, Robert Johansson, Marius Lindvik, Robin Pedersen og Daniel-André Tande representerer Noreg i Austerrike.

(©NPK)

Det vart ikkje hopping på Robert Johansson og Daniel-André Tande fredag. Foto: Geir Olsen / NTB scanpix