«Vanvitig» torevêr svekt på veg mot kysten

(NPK-NTB): Meteorologane fortalde natt til torsdag at eit kraftig torevêr var på veg mot Vestlandet, men på veg inn til kysten har uvêret har svekt seg vesentleg.

npk@npk.no

Publisert: 21.07.2016 kl 07:38

Sist oppdatert: 21.07.2016 kl 11:13

Ustabil luft og høge temperaturar gjev ettermiddagsbyer og framleis fare for torevêr på Vestlandet, i Møre og Romsdal og på Austlandet torsdag, opplyser Meteorologisk institutt på Twitter.

Natt til torsdag tvitra meteorologane eit bilete som viser eit stort område markert med lynnedslag i havområdet mellom Storbritannia, Danmark og Noreg.

– Biletet viser observasjonar av eit vanvitig torevêr ute i Nordsjøen no i natt. Det flyttar seg sakte mot land, opplyste meteorologane.

Sidan har derimot torebyene roa seg mykje.

– Det var svært heftig då det var ute i Nordsjøen i natt, men fronten har teke til å svekkja seg allereie. Det blir kanskje nokre torebyer, men ikkje så heftig som på bileta, seier vakthavande meteorolog Solbjørg Apeland ved StormGeo til Bergensavisen torsdag formiddag. (©NPK)