ANNONSE
Annonse

Våpen og store mengder ammunisjon funne etter brann i Troms

Politiet har sikta ein mann i 70-åra etter å ha funne våpen og rundt 2.000 skot – mellom anna sporlys og panserbrytande ammunisjon – etter ein brann i Troms.

– Det dreier seg om ammunisjon av ulikt kaliber, mellom anna betydelege mengder 7,62 og 5,56, som er kaliber for standard militær ammunisjon, seier politiadvokat Martha Mürer Bakken ved Troms politidistrikt til Forsvarets forum.

Det var 27. juli at det brann i eit uthus i Sørbotn i Troms. Då brannen var sløkt, viste det seg at det vart oppbevart store mengder ammunisjon og våpen ulovleg der. No har politiet oppretta sak mot mannen i 70-åra.

– Den sikta har gitt ei førebels forklaring på når og korleis han har fått tak i ammunisjonen, men det er for tidleg å trekkje nokon konklusjonar rundt dette, seier Bakken.

(©NPK)

ANNONSE
Annonse