Varsel frå Medietilsynet førte til høgare aldersgrense på filmen «Shazam! Fury of The Gods»
Aldersgrensa på storfilmen «Shazam! Fury of The Gods» er sett opp frå ni til tolv år på kinoane i landet, etter at Medietilsynet gjennomførte tilsyn.
Medietilsynet har undersøkt 17 kinofilmar etter at kinofilmdistributørar frå nyttår byrja å setje aldersgrensa sjølve.
«Shazam! Fury of The Gods» var den einaste filmen der aldersgrensa vart endra.
Distributøren Warner Bros. Entertainment Nordic har retta seg etter Medietilsynet vurdering.
– Saka er dermed avslutta utan at Medietilsynet måtte gjere vedtak om endring av aldersgrense, seier Hanne Sekkelsten, direktør i juridisk og regulatorisk avdeling i Medietilsynet.
(©NPK)
Storfilmen «Shazam! Fury of The Gods» har sett opp aldersgrensa frå ni til tolv år i Noreg etter varsel frå Medietilsynet. Her er hovudrolleinnehavar Zachary Levi på filmpremieren i Los Angeles 14. mars. Foto: Richard Shotwell / Invision / AP / NTB