Varslar streik for over 600 brønnarbeidarar

(NPK-NTB): Fagforbundet SAFE har varsla Riksmeklaren om at dei tar ut 663 medlemmer i streik frå natt til torsdag, dersom ein ikkje kjem til semje med Norsk olje og gass (NOG) om Brønnserviceavtalen.

npk@npk.no

Publisert: 04.07.2016 kl 13:49

SAFE braut forhandlingane 7. juni. Ifølgje fagforbundet kom dette av at NOG kravde endringar i tariffavtalen knytt til arbeidstidsordningar, at satsane for skift- og heilagdagsgodtgjering skulle reduserast, og at skifttillegg ved overtid skulle bort.

– Vårt utgangspunkt er at angrepet frå arbeidsgjevaren på gjeldande tariffavtale skal bort, og våre medlemmer skal halde oppe kjøpekrafta, uttalar 1. nestleiar og tariffansvarleg i SAFE Roy Aleksandersen i ei pressemelding.

Det er varsla mogleg streik for Baker Hughes, Halliburton, Oceaneering, Schlumbergerm, Subsea 7, Vetco Gray og Weatherford.