Tips oss:
Tips
Sentralbord: 70 07 44 22 Mobil: 995 22 999
Kontakt
Artikkelen fortsetter etter annonsen.
Geologar skal først fredag ta ei ny vurdering av faren for nye ras på øya Ombo i Ryfylke. Tre hytter held fram med å vere evakuert.
Publisert: 09.07.2024 kl 12:34
Sist oppdatert: 09.07.2024 kl 14:52
To geologar har tysdag vurdert faren for ras i området. Politiet opplyser på X at vegen vil haldast open, og at geologane vurderer området på nytt fredag.
21 personar vart opphavleg evakuerte frå området måndag. Tre av hyttene i områda må halde fram med å vere evakuerte.
Innsatsleiar i Ombo brannkorps, Håkon Eide, seier til NRK at ein ikkje skal ferdast på vegen unødig, og at ingen må dra opp i rasområdet.
– Vegen er opna for dei som treng å hente tinga sine i området og for dei fastbuande familiane, seier Eide.
Dei to geologane er frå Multiconsult og undersøkjer rasområdet for Noregs vassdrags- og energidirektorat (NVE). Dei starta arbeidet tysdag morgon og har brukt drone for å få oversikt.
(©NPK)