Vest-Saharas opprørsleiar er død

(NPK-NTB-AP-AFP): Leiaren for sjølvstenderørsla Polisario i Vest-Sahara, Mohamed Abdelaziz (68), er død etter lang tids sjukdom.

Publisert: 31.05.2016 kl 18:14

Det opplyser Polisario i ei fråsegn tysdag. Abdelaziz var leiar i sjølvstenderørsla sidan 1976.

Polisario har erklært 40 dagar landesorg, og etter det vil ein ny leiar bli utnemnt, heiter det vidare i kunngjeringa.

Polisario-rørsla har kjempa for sjølvstende for Vest-Sahara sidan Marokko okkuperte størstedelen av territoriet i 1975. (©NPK)